FANDOM


[ELEC1200] A System View of Communications: from Signals to Packets Edit

Semester of Enrollment: 2014 Spring

Instructor: Bert Shi

Grade: Good

Comments: Elec1200係讀基本signal processing,佢有co-requisites(即係同時要一齊讀嘅course/之前已經要pass嘅course),要同時讀math1014(呢個course spring先開)/math1024/math1020同上面comp course其中一個,呢個就係點解通常要yr 1 spring先take嘅原因

而佢要comp course做co-requisite嘅原因係因為呢個course嘅lab要寫大量programme,寫code份量o係lab黎講仲佔好重添


呢個course分lecture,tutorial同lab: lecture內容講點o係data transfer前做data processing,點樣model一個communication channel(LTI system),講吓noise,跟住就講frequency modulation/demodulation(carrier frequency,BPSK,QPSK),error detection同correction method,filter,eye diagram,frequency spectrum咁啦.

成個course最尾有6堂會講OSI model入面最重要o個5 layers(application,network,transport,data-link,physical)同每layer所用嘅protocol,即係溝通嘅規則(讀過ict會有個基本概念),再講吓每個layer點樣運作同各自特色,最尾o個堂會講information theory,entropy,fixed/variable length lossless coding (huffman coding,LZW coding)


Tutorial係講lab會做嘅野,個人黎講走左佢都得


Lab會2個人一組,實踐lecture所學嘅野,當中會用到IR transceiver(同時可以接收同發射IR)同matlab黎打programme,matlab係一個好強大嘅軟件,用黎做signal processing,matrix operation都好有用

上lab前要做pre-lab,通常都係要用matlab打吓code再出結果去答問題,有時都幾麻煩吓.matlab呢隻野barn a-d(科大電腦室)都有,如果要知點o係屋企合法而免費用matlab,就google “ust virtual barn”啦


上lab時主要都係做6-7個大task,通常都係用matlab打一小部份programme(好多function都已經寫好,提供畀你地用),用matlab input/output data同plot graph,唔洗做lab report

只要做完每個task就搵ta/student helper簽名,做晒都未走得,仲要搵student helper/ta做post-lab interview,問吓你頭先lab做過d咩,考考你知識

如果遇著MY chang(佢負責教tutorial)做interviewer,佢d問題係特別有意思同要人思考,難係難d,不過學到野(唔好以為佢成個師奶咁就睇小佢,佢好有料到,好似有PhD學位)

成個lab大約2個鐘一次,唔計第1個學matlab點用,total 12次lab.最重要就係唔好走lab,因為lab計participation,pre-lab分,post-lab interview都計分  

Bert Shi冇得輸,英文好好聽,又講得仔細,有時仲會用身體語言去教,不過佢唔會教OSI model同之後嘅野,會轉另一個prof教

Grading: pre-lab 10%,lab簽名10%,post-lab interview 15%,homework 10%,midterm 20%,final exam 35%